In Heldjen is ’t good
En al waeren aich de minse
Van oos dörp Kuus genumd
Baeter sjlaag zal me neet vinge
Daovan is nag, nag noeët gedrumd
Flinke jónges, leve maedjes
Allemaol ein hert van goud,
Mèt de jeugd die Heldje riek is
Wurdt de toekomst ópgebouwd.
En al heet dae lèlleken oorlog
Mènnig hoed versjangeleerd,
Woord de kèrk in puin gesjote
Dór de Pruse óngesjeneerd.
Al verloor oos dörp d’n tore
En de Pool zien greune kroeën
Heldje blieft tóch hoeëger sjtreve
Mèt Lambertus op d’n troeën.
En al is de Pool -elk zuut ‘t-
Kaal has wie ’n geitewei
Greune graaskleur duit os hope
Ens op blome vanaaf hei
En as dan alle weeg ëns
Alle koeëte knoj verdwient:
Dan is Dörp sjoeën aan natuursjoeën
Woe de zon hieël blèj op sjient.
Heldje, dörp um te benieje
Want de minse zien dao good
Boor en börger kan ich lieje
Dao is gé versjil van blood.
Rang of sjtand, des um ’t aeve
Kips haet rechte, net as hood,
Gaer wilt idderein dao laeve
Want in Heldjen is ‘t good.
14 augustus 1947
In ’t Blèdje van 29 mei 1948.