Op deze website treffe we gedeechte aan van miene opa, Sief Frencken, gedeechte in zien modertaal, et Heldjes.
Dao waas hae gröts op.
Gröts waas hae auch óp et dörp Heldje. Hae laefde mè, mèt wat dao gebeurde. Dit bliekt gooed oet de gedeechte óver dit dörpke in de Limburgse zangd.
Begoos wurdt mèt et Heldjes Volkslied, op meziek gezat door Wiel Kranen, zien zwaoger.
Bëj de versjiening van dit lied in et Blèdje, bleek det neet idderein et mèt de inhoud ins waas: d’r kwaam enne ‘Tegenzang’ van enne groeët-Heljese dae d’r óp wiest det Heldje mieër is dan Dörp en ‘de Pool’.
Det woos Sief Frencken auch en hae besjreef det toen in zien gedeech ‘Groeët Heldje’, as antwoord óp ‘Tegenzang’. Mèr waardering vur ‘Heldje’ bleek auch zo as we kinne zeen in et gedeech ‘Groeët Heldje’ en hae ging ruzing wo mèt de angere dörpe van de gemintj laefde Sief Frencken tóch et meist mèt Dörp mèt en de dinge die dao gebeurde.
Zo waas hae sjterk onger den indruk van de verangeringen die óp ‘de Pool’ woorten aangebrach. Det ‘de Pool’ wègging zoot um neet good. Hae hoopde aevel det et hèrt van Dörp neet versjangeleerd bleef en wèr op nèj ging laeve in et Mariaplein. Van dit gedeech zeet emes dèt neet alles gesjreve waas wie et mós. Dit is en réje um hèj get sjampend óver te sjtrévele.
Auch bèj de kleine dinge van alledaag woe minnigein zjwiegend naevenhaer lùpt, sjtóng Sief Frencken stil. Det bliek toet et gedeech van de ‘Zeuchtenden Hangdpaol’ en oet ‘Klok en Klumbumke’.
Daenaeve sjreef hae auch ao-Heldjese verhaole: van Hannes en Naad die tegenein ópsjnoeven, van et wildj vèrke Evert en van den oos woe Kepél zie besjataon aan te danken heet.
Sief Frencken, zie laeve waas e sjtuk Dörp. Hae bezóng wat dao gebeurde en hae sjreef d’r óver in de Vènnelse Gezet en in et Blèdje.
Mèr wie hae zélf zie laeve laefde, zien leef en leid, zien leefde vur de neteur en de kleine wónger dao in, zien kunst de minse mood in te sjpraeke, zienen hoop en vertrouwen óp en geluif in ’s Livvenhieër… det alles bliekt oeht en sjprèkt in de gedachte van de twiddel hèlft van dezen bundel. Hèj zeen we Sief Frencken zo as we um gekind hebbe en zo as hae ós bèj blieft.
Mèr laote we nów den dechter zélf aan et woord. Gae, leeve laezer, laes mèt veul plezeer.
Inhoud:
Lied Heldje
Mood haoje
Sjtumming
’s Zónnes in ’t veldj
Bore-laeve
D’n èrste kruutsweeg
’t Leest kalenderbledje (of: Aod en Neej)
Teussen aod en neej
Sjnieë-sjtumming
De sjieëperkes van Bethlehem
Koorsmes
De wintjer vur de deur
Haodt wat ge hebt
Ter gedaochtenes
Legende van twieë eus, die god werke deeë
Gesjiedenis van Evert Zjwein (Epos)
’n Heldjes sjterk verhaol
Klok en Klumbumke
De zeuchtenden hangdpaol
Verbaeterde ‘Pool’
Ontkroeënde Pool
Oet den Vremde
Groeët Heldje
Tegenzang
In Heldjen is ‘t good
Gröts op eige taal